დაძინებას ვაპირებდი, შეკითხვა რომ დამისვეს,რომელია სწორი ფორმა კარები თუ კარებებიო. ჰოდა, წინა პოსტში არ დავწერე, ყველამ ჩვენი საქმე გავაკეთოთ-მეთქი და ამიტომ 10 წუთით დავივიწყე ძილზე ფიქრი: სწორია, კარები. კარი (შენობის შესასვლელი) არის მხოლობით რიცხვში, მრავლობით რიცხვში კი იქნება კარ-ებ-ი(ებიანი) ან კარ-ნ-ი(ნარ-თანიანი) და ჩვეულებრივ ორ-ნაწილედ კარზე ითქმის. ასე რომ,სწორია კარები და არა კარებები.
შემდეგ პოსტში თუ დაგაინტერესებთ წაიკითხეთ, სწორია თუ არა ბოდიშით, კარგით,გამარჯობათ და ა.შ.
ახლა ზოგმა არ გაიფიქროს, 🙂 გამოვიდა ესეც ღვინჯილიაო, აქ მაინც დაგვანებეთ თავიო,როგორც მინდა ისე დავწერ და ვილაპარაკებო ( ვინ იცის კიდევ რა მოუვა თავში). კი, ბატონო, შენ რაც გინდა ის ქენი, მეც ჩემსას ვიზამ! 😀
წავედი, ძილი ნებისა!!! 🙂
ჩემთვის ძალიან საინტერესო პოსტი იყო, რადგანაც პრეტენზია მაქვს, რომ გამართული ქართულით ვწერო.
იმ დღეს რაღაც სიტყვაში “გავიჭედე” და არ ვიცოდი, როგორ “მომებრუნებინა”, საბოლოოდ წინადადებიდან ამოვიღე. ამის შემდეგ თქვენ მოგმართავთ ხოლმე 🙂
დიდი მადლობა.
სიამოვნებით დაგეხმარები თუ შევძლებ!:)